EHLABE

EHLABE (Euskal Herriko Lan Babestuaren Elkartea) desgaitasunak dituzten pertsonen gizarte- eta lan-txertatzea sustatzen duten irabazi-asmorik gabeko erakundeen euskal elkartea da.

Elkarrizketa-ekintzak sustatzen eta garatzen ditugu erakundeekin eta gizarte-eragileekin, erakunde kideen elkar-lankidetzatik abiatuta eta, interes orokor bezala, desgaitasunak dituzten pertsonen enplegagarritasunaren hobekuntza partekatuta.

EHLABEko erakunde guztiak:

• Erakunde dinamikoak eta trakzio-eragileak dira, eta balioa ematen diote merkatuari, jarduera lehiakorren eta kudeaketa profesionalaren bidez.
• Ez dute irabazi-asmorik, gizarte edo publiko ekimenetik datoz eta etekina proiektuaren garapenean inbertitzen dute berriro, horren iraunkortasuna helburu.
• Kudeaketa-sistema parte-hartzaileak dituzte eta zeharkako ikuspegiarekin lan egiten dute, unibertsaltasun-printzipioak eta genero-berdintasuna gehituz.