GUREAK Donostiako Gizarte Ekonomiako Hiriburutzaren inaugurazio egoitza

Pertsonak ekonomiaren erdigunean da 2023an Donostiak izango duen Gizarte Ekonomiaren Hiribururako aukeratu den leloa, eta gaur jarri da abian, GUREAKen (Donostia) egindako ekitaldi batean. Ekitaldian Hiriburutza babesten duten lau erakundeak izan dira (Donostiako Udala, Gipuzkoako Foru Aldundia, Eusko Jaurlaritza eta Espainiako Gobernua), baita Gizarte Ekonomiarekin zerikusia duten dozenaka enpresa, elkarte eta erakunde ere. Sektore hori pisua eta garrantzia hartzen ari da, egituratzeko eta gizarte-kohesiorako duen dimentsioagatik.

Espainiako Gobernuko Lan eta Gizarte Ekonomia Ministerioaren Gizarte Ekonomia Sustatzeko Kontseiluak hiria izendatzearen helburua da Gipuzkoako lurraldeko Gizarte Ekonomiako enpresen ehunari balioa ematea eta erakunde horien sorrera bultzatzeko eredugarri diren ekimen eta esperientzia ugariak ezagutaraztea.

Hiriburuaren 2023rako agendak ekitaldi ugari izango ditu, Gizarte Ekonomiako lurralde-eragileekin, nazionalekin eta Europakoekin elkarlanean egingo direnak, bai eta enpresa-eredu hori ordezkatzen duten enpresa eta erakundeekin ere.

Ekitaldian izan dira Yolanda Díaz Lan eta Gizarte Ekonomiako ministroa eta bigarren presidenteordea, Idoia Mendia Eusko Jaurlaritzako bigarren lehendakariordea eta Lan eta Enplegu sailburua, Markel Olano Gipuzkoako ahaldun nagusia, Eneko Goia Donostiako alkatea, Juan Antonio Pedreño Gizarte Ekonomiako Espainiako Enpresarien Konfederazioko (CEPES) eta Social Economy Europeko presidentea, eta Rosa Lavin Gizarte Ekonomiako Euskal Sareko (EGES) eta Euskadiko Kooperatiben Konfederazioko (KOONFEKOOP) presidentea.

Hiriburutzari buruzko informazio gehiago nahi izanez gero, jo esteka honetara.