Train Sustain proiektuak birziklatze/upcycling irakaskuntza teknikoetan trebatzen ditu LHko irakasleak eta boluntarioak

Modu honetan, negozio-aukera iraunkorrak sustatzeaz gain, laguntza handiagoa behar duten pertsonen enplegagarritasuna hobetu nahi da, lan-merkatu jasangarrian sartzeko edota berriro lan-munduan sartzeko funtsezko ezagutzak emanez.

Gainera, formakuntza ez da irakaskuntzaren ikuspegi tradizionalera mugatu behar; haratago joan behar da. Horregatik, Train Sustainek hainbat baliabide sortu ditu, formatzaileek formakuntza pertsonalizatua eta eraginkorra eskaintzeko.

Helburu horrekin, Train Sustainek ikasketa-plana, hainbat jarduera biltzen dituen eskuliburu bat eta jasangarritasunari buruzko Europako jardunbide egokien gida bat garatu ditu. Horiek guztiak www.trainsustain.org webgunean daude eskuragarri.

Bestalde, proiektu honek Europa osoko bazkideen laguntza izan du, hala nola FO-Aarhus (Danimarka), Dinamo (Belgika), Synthesis (Zipre), Solution (Frantzia), Proportional Message (Portugal) eta Gureak.

Informazio gehiago nahi izanez gero, proiektuaren webgunera jo dezakezu edo proiektuaren sare sozialak bisitatzera gonbidatzen zaitugu. Anima zaitez eta bat egin jasangarritasunaren olatuarekin.